Әдепкі бойынша, Kaspersky Security Center бағдарламасында басқарылатын құрылғылар мен Басқару сервері арасында тұрақты байланыс жоқ. Басқарылатын құрылғылардағы Желілік агенттер мезгіл-мезгіл қосылым орнатып, Басқару серверімен синхрондалады. Осы синхрондау сеанстары арасындағы аралық Желілік агенттің саясатында анықталады және әдепкі бойынша 15 минутты құрайды. Егер мерзімінен бұрын синхрондау қажет болса (мысалы, саясатты қолдануды жеделдету үшін), Басқару сервері Желілік агентке қол қойылған желілік пакетті UDP 15000 портына жібереді. Басқару сервері бұл пакетті IPv4 желісі немесе IPv6 желісі бойынша жібере алады. Басқару серверінен басқарылатын құрылғыға UDP бойынша қосылу қандай да бір себепке байланысты мүмкін болмаса, онда синхрондау әрекеті, синхрондау кезеңі ішінде Желілік агентті Серверге кезекті рет мезгіл-мезгіл қосу кезінде жүзеге асырылады.
Алайда, Желілік агентті Басқару серверіне қоспай-ақ кейбір операцияларды орындау мүмкін емес. Бұл операцияларға жергілікті тапсырмаларды іске қосу және тоқтату, басқарылатын бағдарламаның статистикасын алу және туннель құру кіреді. Бұл операциялар мүмкін болуы үшін, басқарылатын құрылғы да Басқару серверімен байланысты үзбеу параметрін қосу керек.